Skip to main content

NAZARETCHO JEZU, PILAT ani KOXTTANCHO SUKRAR

-

 

Magir jivexim marlolea mon'xea kuxik asat te xarantle soglle mukheli vhallant gomtti katrun uddoilolie gayecher aple hat dhutole ani he porim mhonnttole, 'Amchea hatamni ami hem rogot varounk nam ani amchea dolleamni ami kainch ek polleunk nam.' (Dusri Somurt, 21:6-7)

Fottu: Saint James the Greater Catholic Church (Concord, North Carolina) - stained glass, Pilate washing his hand. Fottu kaddpi: Nheyob / Porvangi: Creative Commons


Sokall fuddem, Paskanchie porbechea toyari disa, Pilatachea raz-angnnant uchamboll zalole iadnik ani nagrik ekttaim zale. Nit magunk te tache mukhar ube asle. Pilat aple sodrer boslo. Jezu nanvachea eka mon'xak tannim tachea hatan ghalo.

Hea Jezuk tannim ratri Getsemani molleant dhorlolo ani uprant taka dhorm-sobhent ubo kelolo. Porje khatir eklo monis melear odik faideachem, osli budh divpi porom'-iadnik Kaifasan Jezuk vicharlolem, 'Krist tum? Devacho Put tum?' Ani Jezun hajir asloleank soputa khal sanglolem, 'Hoi, Hanv to!'

Hea vellar porom'-iadnik Kaifasan aplim angvostram pinzun soglleank xiddkailole, 'Hannem devninda kelia. Taka khast favo! Taka khast favo!!' Ekttaim zalolea soglleamni ekuch nichev kelolo, 'Taka moronn favo!' Ani heach khatir tannim Jezuk Pilata sovem haddlolo. Kiteak mornnachem formonn fokot tannench diunk zatalem.

Aple sodrer thaun Pilatan hea Jezuk pollelo. Donuim hat zori bandlole ani khadd toxech kens ghamen dhatt zalole tori bhirantichi koslich khunna tachea mukhamollar disonasli. 'Tum Judevancho Patxai?' tannem vicharlem. Jezun zabab dilo, 'Tunch sangtai...'

Anink kaim prosn kelea uprant, Pilatan aple sodrer ravon porgott kelem, 'Mhaka hea mon'xacho kosloch guneanv mellonam.'

Punn te mottean bôbô marunk lagle ani soglle mukhel-iadnik ani xastri Jezucher dusrim bogllanttam ghalunk lagle. 'Akhkhea Judeyant, Galileya meren hangasor porian, aplie xikovnnien lokak to uchambollaita.' Galileya hem utor aikonam fuddem, Pilat matxe khuxal zalo. Jezu Galileyacho mhunnttoch to Herod uprazachea odhikara khala poddttalo. 'Jem kitem hea niropradi mon'xa sovem korunk zai tem Heroduch kortolo,' oxem sangon Pilatan Jezuk Herod upraza sovem vhoronk formailem.

Punn kaim vellan Herod uprazan Jezuk porto Pilata sovem patthoilo. Pilatan uchamboll zalolea lokak anik ek pavtti somzavpacho proitn kelo, 'Lokak fuslaita mhunn hea mon'xak tumi mhoje-xim haddla ani polleyat, tumche hujir hanvem hea mon'xachi choukoxi keli ani mhaka tache sovem kosloch guneanv mellona...ani Herodikui mellonk nam. Tumkam tor khobor asa, hannem mornn favo zata toslem kaim ek korunk nam. Dekhun taka khast laitam ani soddttam.' Jerbond marun, kantteamni vinnlolo mukutt mathear ghalun ani bhuzancher zambllem avoronn uddoun, Pilatan Jezuk bhair haddlo.

Ecce Homo! Chitrkar: Antonio Ciceri (1821-1891)


Atam tori korit kai te kakut hea mon'xachi? Pilat suskarlo. Punn iadnik ani xastri kitench kelear tachem kanar dhorunk toyar nasle. Fottti govai diun Judev lok Jezuk khillaunk sodtat mhunn atam Pilatak sarkem disun ailem. Judevam ani aple modem adim ghoddlolio ghoddnnio Pilatachea monant porthun jivio zalio. Somrazacho rupkar aslolea bavtteank  (ensigns)* ani Devmondirantlea duddvancho upeg korun khariz (aqueduct)* bandpachea prokolpak lagon zalolea lottafottint kaim Judev lokank moronn pasun ailolem tacho ugddas taka ailo. Apunn tancho dusman oxem te somzotale mhunn to zannam aslo. Ani atam Jezuk soddlo zalear...?!

Itlea mhunnosor Pilat sodrer boslolo astanam, Procla, tachie potinin oxem sangun dhaddlem, 'Tea promannik mon'xache bhangoddent tum poddom naka; mhaka tachem sopon poddun, aiz hanvem zaitem bhoglam.'

Nimanne pavtti Pilatan Jezuk mornnachea chopkeantlo vattaunk yevzilem. Paskanchie porbe somoyar eka koideak soddun diupachi ek porompora asli. Tea vorsa Barab'bas nanvacho ek darunn pundd (bandit) bondkhonnint aslo. Pilatan loka mukhar novo prosn manddlo, 'Tumkam hanvem konnank suttka dil'li zai? Barab'basak kai Jezuk?' Adim fuddench mukhel iadnikamni fuslailolea pormonnem, lokan bôbô marlio, 'Barab'basak!!'

Pilatachem mukhamoll ghamen buddlolem. Tannem vicharlem, 'Tor hanvem hea Jezuchem kitem korchem?'

Tachim utram bhair sorta thuinch aslim, lokan huyel marunk survat keli, 'Khursar mar, taka khursar mar!'

'Punn tannem kitem vaitt kelam?' Pilat tanche koddchean zabab sodunk laglo. Punn te zabab diupachie sthitint khuim asle?

Ragabhorit zaun tannim Pilatak xiddkaunk survat keli, 'Hea mon'xak soddxi zalear tum Somrazacho ixtt nhoi; apnnakuch raza korta to monis Somrazacho virodhi zata!'

Him utram aikonam fuddem Pilatachea monant bhirantichem bhut ubem zalem. Apli ekuch fotti govai hea Judevamni Somrazak dili zalear to ghoddie he pavtti apleak sodrevelo khontt marun denvoitolo, hacho tannem soddsoddit odmas kelo. 

Tednam aplem kainch ek cholonam punn odik ani odik uchambollai zata ti polleun, Pilatan udok haddunk lailem ani loka hujir aple hat dhule. Soglleank, ani odik korun hajir aslolea xastriank zannam zaunk, Pilat hie khunne vorvim (symbolic gesture) Dusri Somurt hea Adlea Korarantlea pustokacho upeg korun fuddem jem kitem ghoddchem aslem taka apunn zababdar nhoi mhunn sangunk sodtalo: Magir jivexim marlolea mon'xea kuxik asat te xarantle soglle mukheli vhallant gomtti katrun uddoilolie gayecher aple hat dhutole ani he porim mhonnttole, 'Amchea hatamni ami hem rogot varounk nam ani amchea dolleamni ami kainch ek polleunk nam.' (21:6-7)

Uprant, Pilatan Barab'basak sodlo ani Jezuk khursar khillaunk Judevanchea adhin kelo. Khursa voir ghalunk Pilatan ek nam'lekh boroilo: Nazaretkar Jezu, Judevancho Raza.

Ho nam'lekh vachinam fuddem mukhel iadnik Pilatak fors korunk lagle: Ho monis apunn Judevancho Patxai mhunnttalo, oxem boroi mhunnon. Punn Pilatan zabab dilo, 'Hanvem boroilem tem boroilem!'

Ani don'parchea vellar, Golgotha mhunnttat tie suvater jednam Jezun khursar aplo prann soddlo tednam surian aplem tondd damplem ani soglleak kallokh zalo. Dev-mondiracho podd'ddo pinzun doxim zalo, bhuim kampli, khoddpam futtlim ani bhiyevun, xotpoti ani tachea boroborcheamni mhollem, 'Ho khorench Devacho Put aslo!'


[*] Polle: Project Gutenberg's The Antiquities of the Jews, by Flavius Josephus. Book XVIII, Chapter 3


[Ho lekh hea adim Amcho Avaz satalleacher uzvaddak ailolo, tarikh 30.03.2013]

Comments

Post a Comment

KODDU SONVSAR ani her kotha
Khub kall pattim, 1987 vorsa, hanvem mhojem poilem Konknni pustok, Koddu Sonvsar ani her kotha uzvaddak haddlem. Pustok uzvaddak yeunche poilim, 1983 vorsa mhoji avoi hea sonvsarak ontorloli ani hem pustok hanvem ticheach omor ugddasak bhettoilolem. To kall ek veglloch kall aslo. Ghorant fon nasle, computers-ui nasle. Sahityachim borpam dhorun, her soglo vaurui ttopalantleanuch eka-mekak pavti korcho poddttalo. Chhapkhaneant kitem-i chhaptolo zalear hatamni ek-ek dhatuchem (metal) okxor punzaun utram toyar kortale ani hie toren zoddlolea utranchio magir volli korun pananchi manddavoll zatali. Koddu Sonvsar pustokui hich tora uzar korun uzvaddak ailem. Atam 30 odhik vorsam uprant hench pustok e-book-ant rupantor zata. Hea pustokant asat sat kotha mogachio…ani mog korpianchea sukha-dukhachio! Pustokachem kovor: Shanelie Fernandes
Buy the eBook

Popular posts from this blog

FR. ANTONIO PEREIRA, SJ: THE JOURNEY OF A JESUIT

-
Image
  My review of Fr Antonio Pereira’s autobiography,  Mhojea Hatanchi ani Vonttanchi Kanni . Published by Fr Freddy J Da Costa (1989) Pages: 168, Price Rs.15/- "On August 25, 1919, in the village of Sirlim in Chinchinim, a son was born to Antonio Ludovico Pereira and Anastasia Encarnaçao da Costa. They named him Antonio Luis Pereira. He was ordained priest on November 21, 1952 and rose to become Goa’s much loved and sought-after  pregador  (preacher) and a Konknni writer of repute." I had the opportunity of interacting with Fr. Antonio Pereira during a school retreat in Betul and years later at a workshop in journalism at the Baga Retreat House. Most of what I learnt is difficult to recollect now, a time-span of forty odd years casting shadows over distant events and episodes. What I do remember is the memory of a priest full of humility as he shared the ‘loaves of wisdom’ during the school retreat and one session at the Retreat House: the slide-show of Shel Silverstei...
Read more

The Reliquary of the True Cross @ Louvre Abu Dhabi

-
Image
  Cover image : Reliquary cross containing a fragment of the True Cross / France, Limousin (Pic: Byron Dias)  Today, on the 3rd of May, due to the nationwide lockdown, masses and prayers will  not  be offered in white-washed chapels across villages and towns of Goa to celebrate the Feast of the Holy Cross on which Jesus was crucified. One Konkani hymn, however, will be on everyone’s lips and hearts:  O bhagevontu, Santa Cruzu  /  tujie kurpen nivar amkam  /  dusmanatule . (Oh blessed, Holy Cross / through your grace, protect us / from our enemies.) About a hundred days after Louvre Abu Dhabi opened on November 11, 2017, I was finally inside the ‘universal museum’. Byron, my son-in-law, was there too. During an earlier visit to Abu Dhabi, a dense fog which refused to lift had unsettled my plans and I had to be content watching a multi-sensory exhibition on Vincent van Gogh in the afternoon and the Konkani movie,  Sophiya  in the even...
Read more

PREMNAGAR: FR EDWIN'S LABOUR OF LOVE

-
Image
  Hailing from Saligao,  Fr. Edwin   D'Souza  was a man far ahead of his times and embraced, as the years went by, everything that was Indian. He exchanged his stiff-collared cassock for a cotton kurta in saffron and took great delight in calling himself  Swami Premananda Naik Salgaonkar . And the principal who once took us to task in the school assembly for having allowed our hair to grow over our ears, now began, much to our surprise, letting his hair down so low that they touched his shoulders and he began to look like a real  swamiji !  FR. EDWIN D'SOUZA 17.10.1918 - 27.10.1996 If you happen to visit Pope John XXIII High School in Quepem, past the main gate and the basketball court and immediately to your right, you will see the bust of Fr. Edwin D'Souza, the founder of Boys Town, against a backdrop depicting the various faces and facets of a man and a missionary who shaped and molded thousands of young lives. He was my guru, my teacher and my prin...
Read more