Skip to main content

ROSARIO RODRIGUES: Khell-tiatrachie udorgoti khatir khorchiloli ek jinn

-

 


Fottu kaddunk sohokar dilolea khatir Longuinhos-ant vaur korpi Inas ani Andrew-k Dev borem korum!

Longuinhos hea Moddganvchea restaurant-ant Rosario-babachem ek tharavik table ani kodel aslem khoim. Thoinch voranchim-voram boison to aple khell-tiatr boroitalo. Tem mez ani tem kodel tachea monant xiztolea vichearanchea vhallank kagdacher vhanvunk sangat ditalim.

Fottu: JoeGoaUk-chea upkaran

Rosario Rodrigues (24 Otumbr 1944 – 5 Agost 2003), Gõycho xrextth kolakar ani borovpi
Khell ani khell-tiatrak Rosario-baban khub moladik yogdan dilolem asa. Gombhir vixoyancher tannem aple khell-tiatr boroile ani mhaka ugddas zata te pormonnem to machier ubo ravlearuch puro aslem, ami sogle tachem ‘acting’ pollounche poilinch  hanstale. Tachi comedy khubuch unchlea dorjeachi asli.

Meenakxi ho aplo khell-tiatr gheun to poilech pauttim vevsayik machier porzoll’llo ani te uprant  aple khell-tiatr xaramni ani Gõychea ganvam-ganvamni dakhounk boroch yexosvi tharlo. 1976 vorsa Fattim Paulo hea tachea khell-tiatrant revolving stage, mon bhulovpi dekhave ani uzvaddachie yevzonnecho sundor toren vapor korun tannem itihas ghoddoilo.

Likhnnient itli tank ani xokti aslolea hea kolakaracho zolma dis Tiatr Academy of Goa (TAG) dor vorsa monoita ani teach disa Lifetime Contribution to Khell / Khell-Tiatrs he puroskar diun tola-molachem yogdan dilolea kolakarancho bhoumanui korta. Covid-19 mahamariek lagon hea vorsa TAG ho dobazo koddek dovortoli kai?

Panch vorsam adim Otumbrachie 24 tarkher Rosario Rodrigues-achea ugddasak ani manak Moddganvchea Vidya Niketan vosreant ek songit karyavoll ghoddun haddloli. Meenakxi, Ami Fator, Ekech Rati, Frank Sinatra, Uzvadd Paloilo hea tachea kaim khell-tiatrantle opening chorus, kant ani comedy-ntle bhag tacheach khell-tiatramni vantto ghetlolea kolaramni – Vithal, Seby Carvalho, Clint Furtado, Jacinta ani Agnelina tech porim Jesus Antão, Alcin ani Jayanti hannim – gailole ani acting korun dakhoilole. Khub vorsam pattim Rosario-che khell-tiatr ami pollelole tancho ugddas tea disa porthun amchea monant jivo zalolo.

Teach vorsa tin-chear disam uprant Ravindra Bhavan-ant Somplolea Tiatristancho Ugddas hie karyavollint uloitanam Rosario Rodrigues-achea khell-tiatranchim hat-borpam (manuscripts) sambhallun dovrunk ani jim orthabhorit gitam tannem rochlolim tim voir ul’lekh kelolea tacheach kolakarank visvasant gheun tanchem ‘documentation’ korun dovorpachi goroz asa mhonn TAG-ak hanvem ulo marlolo.  Itihasant tachea moladik vaurache purave fuddlie pillgiek urtole zalear ami tachem sahit’ya ani tannem rochlolim gitam CD-chea rupan uzvaddaunk taktikechim paulam marunk zai, hem mhaka aiz hea lekhantlean sangchem asa.  


...hangach voranchim-voram boison Rosario-bab aple khell-tiatr boroitalo


Tea disa hanvem TAG-a somor anik ek prostav manddlolo. Longuinhos hea Moddganvchea restaurant-ant Rosario-babachem ek tharavik table ani kodel aslem khoim. Thoinch voranchim-voram boison to aple khell-tiatr boroitalo. Tem mez ani tem kodel tachea monant xiztolea vichearanchea vhallank kagdacher vhanvunk sangat ditalim. Edo vhoddlo kolakar ani borovpi zannem khell-tiatrak ek novi dixa dili, tea kolakarachea ani borovpiachea omor ugddasak Longuinhos-achea dhoniachi porvangi gheun ek poster toyar korum yeta: Hea kodelacher bostalo Rosario Rodrigues, Gõychea Khell-tiatracho Khambo (oxem kitem tacher boroum-ieta...) ani tachea fottva soit tannem boroilolea khell-tiatram vixim thoddi mahiti Konknnint ani Inglezint dium yeta mhonn hanvem suchovnni keloli. Hanga Gõykar toxech foreign tourists mud’dom’ yetat ani oxem kelear Rosario-babachea vaurachi dusreank umollxik lagom-ieta, henvui hanvem sanglolem.

Xrextth borovpiam ani kolakaram vixim sabar desamni hie toren tancho ugddas kelolo amkam dixtti poddtta ani vachunkui melltta. Rosario Rodrigues-a vixim toxench zaunchem mhonn magtam.

SOMPTA

[Gulab masikachea Otumbr 2020 ankacher (Ank X, Voros 38) chhapun ailolea lekhantlo ho vantto zaun asa. Lekh toyar korunk adhar: Fausto V Da Costa]  


Comments

Post a Comment

KODDU SONVSAR ani her kotha
Khub kall pattim, 1987 vorsa, hanvem mhojem poilem Konknni pustok, Koddu Sonvsar ani her kotha uzvaddak haddlem. Pustok uzvaddak yeunche poilim, 1983 vorsa mhoji avoi hea sonvsarak ontorloli ani hem pustok hanvem ticheach omor ugddasak bhettoilolem. To kall ek veglloch kall aslo. Ghorant fon nasle, computers-ui nasle. Sahityachim borpam dhorun, her soglo vaurui ttopalantleanuch eka-mekak pavti korcho poddttalo. Chhapkhaneant kitem-i chhaptolo zalear hatamni ek-ek dhatuchem (metal) okxor punzaun utram toyar kortale ani hie toren zoddlolea utranchio magir volli korun pananchi manddavoll zatali. Koddu Sonvsar pustokui hich tora uzar korun uzvaddak ailem. Atam 30 odhik vorsam uprant hench pustok e-book-ant rupantor zata. Hea pustokant asat sat kotha mogachio…ani mog korpianchea sukha-dukhachio! Pustokachem kovor: Shanelie Fernandes
Buy the eBook

Popular posts from this blog

FR. ANTONIO PEREIRA, SJ: THE JOURNEY OF A JESUIT

-
Image
  My review of Fr Antonio Pereira’s autobiography,  Mhojea Hatanchi ani Vonttanchi Kanni . Published by Fr Freddy J Da Costa (1989) Pages: 168, Price Rs.15/- "On August 25, 1919, in the village of Sirlim in Chinchinim, a son was born to Antonio Ludovico Pereira and Anastasia Encarnaçao da Costa. They named him Antonio Luis Pereira. He was ordained priest on November 21, 1952 and rose to become Goa’s much loved and sought-after  pregador  (preacher) and a Konknni writer of repute." I had the opportunity of interacting with Fr. Antonio Pereira during a school retreat in Betul and years later at a workshop in journalism at the Baga Retreat House. Most of what I learnt is difficult to recollect now, a time-span of forty odd years casting shadows over distant events and episodes. What I do remember is the memory of a priest full of humility as he shared the ‘loaves of wisdom’ during the school retreat and one session at the Retreat House: the slide-show of Shel Silverstei...
Read more

The Reliquary of the True Cross @ Louvre Abu Dhabi

-
Image
  Cover image : Reliquary cross containing a fragment of the True Cross / France, Limousin (Pic: Byron Dias)  Today, on the 3rd of May, due to the nationwide lockdown, masses and prayers will  not  be offered in white-washed chapels across villages and towns of Goa to celebrate the Feast of the Holy Cross on which Jesus was crucified. One Konkani hymn, however, will be on everyone’s lips and hearts:  O bhagevontu, Santa Cruzu  /  tujie kurpen nivar amkam  /  dusmanatule . (Oh blessed, Holy Cross / through your grace, protect us / from our enemies.) About a hundred days after Louvre Abu Dhabi opened on November 11, 2017, I was finally inside the ‘universal museum’. Byron, my son-in-law, was there too. During an earlier visit to Abu Dhabi, a dense fog which refused to lift had unsettled my plans and I had to be content watching a multi-sensory exhibition on Vincent van Gogh in the afternoon and the Konkani movie,  Sophiya  in the even...
Read more

PREMNAGAR: FR EDWIN'S LABOUR OF LOVE

-
Image
  Hailing from Saligao,  Fr. Edwin   D'Souza  was a man far ahead of his times and embraced, as the years went by, everything that was Indian. He exchanged his stiff-collared cassock for a cotton kurta in saffron and took great delight in calling himself  Swami Premananda Naik Salgaonkar . And the principal who once took us to task in the school assembly for having allowed our hair to grow over our ears, now began, much to our surprise, letting his hair down so low that they touched his shoulders and he began to look like a real  swamiji !  FR. EDWIN D'SOUZA 17.10.1918 - 27.10.1996 If you happen to visit Pope John XXIII High School in Quepem, past the main gate and the basketball court and immediately to your right, you will see the bust of Fr. Edwin D'Souza, the founder of Boys Town, against a backdrop depicting the various faces and facets of a man and a missionary who shaped and molded thousands of young lives. He was my guru, my teacher and my prin...
Read more